Police Raid PTI Headquarters: Imran Khan Ki Siasi Jung
Jaise k ap sub waqif hai kay Pakistan ki siyasi surat-e-haal mein bohot baray tabdeeli aa rahi hai. Hukoomat ne PTI (Pakistan Tehreek-e-Insaf) party ke khilaf apni karwai ko tej kar diya hai. PTI ke leader, former Prime Minister Imran Khan, jo ke is waqt jail mein hain, unki party ko torh dene ka hukoomat ne elaan kiya hai, jo ke mulk ki sab se bari opposition party hai.
Security Forces Raid PTI Offices
Monday ko, security forces ne PTI ke headquarters par Islamabad mein hamla kar diya, jo ke hukoomat ke is irade ko saabit karta hai ke wo PTI ko torhna chahti hai. Police ne offices ko seal kar diya aur PTI ke chand ahm officials ko giraftar kar liya, jin mein Acting Party Chairman Gohar Khan aur Information Secretary Rauf Hasan bhi shaamil hain, jese ke ek party spokesperson ne Reuters ko bataya.
Detentions and Releases
Halankeh Gohar Khan ko foran raha kar diya gaya, magar Rauf Hasan ab bhi police ki hirasat mein hain. Hasan ki giraftari us waqt hui jab unhone public ko agah kiya ke hukoomat PTI ke members ko nishana bana rahi hai, unhone daawa kiya ke das members ghayab ho chuke hain bina kisi pata ke pichle do mahine mein.
Judicial Rulings Favor PTI
Yeh crackdown PTI ke liye kuch favor mein court rulings ke baad aya hai, jo ke Prime Minister Shehbaz Sharif ki hukoomat ke liye ek bara khatra hai, jo ke February mein military support ke sath power mein aaye the. Khaaskar, Supreme Court ne 12 July ko faisla diya ke PTI, jo ke February general elections mein sab se zyada seats jeeti thi, unhe 23 additional seats parliament mein di jayein. Is faisle se Sharif ke coalition ke liye zaroori do-thirds majority khatam hoti nazar aati hai jo ke reforms ko pass karne ke liye chahiye thi.
Overturned Convictions and New Charges
Siyasi drama ko aur barhate hue, Islamabad court ne 13 July ko Imran Khan ki illegal marriage conviction ko overrule kar diya, jo ke unki pichli chaar convictions ko suspend ya overturn kar chuka hai. In legal victories ke bawajood, Khan ab bhi jail mein hain naye charges par, jin mein protests ko bharkane aur corruption ke ilzaam shaamil hain—jo ke unka kehna hai ke yeh politically motivated hain taake unhe power mein wapas ane se roka ja sake.
Government's Legal Offensive
Pichle hafte, Information Minister Attaullah Tarar ne elaan kiya ke hukoomat PTI ko legally ban karne ka irada rakhti hai, ilzaam lagate hue ke violent protests ko bharkaya gaya tha pichle saal aur classified information leak hui thi. Aage chal kar, hukoomat ne Imran Khan ke khilaf treason charges file karne ka bhi plan banaya, jo ke un par aur unki party par legal pressure ko barha raha hai.
Human Rights Concerns
Human Rights Commission of Pakistan ne hukoomat ke is amal ko condemned karte hue kaha ke yeh “an enormous blow to democratic norms” hai aur ke yeh siyasi chaos aur violence ko barha sakta hai. “Agar yeh aage barha, toh yeh bas ziada polarization aur political chaos aur violence ke bohot baray imkanat ko janam dega,” Chairman Asad Iqbal Butt ne ek statement mein kaha.
International Reactions
United Nations ne bhi is surat-e-haal par apna concern zahir kiya. Ek panel of UN experts ne recently conclude kiya ke Imran Khan ki detention ka koi legal basis nahi tha aur yeh lagta hai ke unhe siyasi hisa leine se rokne ke liye hi kiya gaya hai.
Conclusion
DON’T FORGET TO VISIT!